Светската здравствена организација (СЗО) синоќа објави дека над 120 здравствени работници починале од вирусот ебола во западноафриканските држави.
Во соопштението на СЗО се наведува дека најмалку 240 здравствени работници, кои работат во Гвинеја, Либерија, Нигерија и Сиера Лене се заразени со ебола.
СЗО нагласува дека епидемијата на ебола зафатила голем број медицински лица, што е без преседан.
Во епидемијата на ебола во Западна Африка досега починаа над 1.400 лица.