Светската здравствена организација се надева дека кризата со Ковид-19 ќе помине за помалку од две години, изјави денеска генералниот дирекор на СЗО, Тедрос Адханом Гебрејесус.
Тој додаде дека пандемијата на шпанскиот грип, која започнала во 1918 година, траела две години.
– Сега нашата ситуација е таква што имаме повеќе технологија, но со поголемата поврзаност вирусот има поголеми шанси да се прошири, може да се движи побрзо, посочи Гебрејесус.
Во светот со новиот коронавирус, заклучно со денеска, се заразиле околу 23 милиони луѓе, а починале над 800.000, а 15.6 милиони луѓе закрепнале од Ковид-19.