Генералниот секретар на НАТО, Јенс Столтенберг одлучи да го свика Советот НАТО-Русија на 12 јануари и е во „контакт“ со Москва за да го организира состанокот, изјави претставник на Алијансата во Брисел.
Столтенберг во изминатите месеци повеќепати ѝ понуди на Москва да го продолжи дијалогот во рамките на Советот НАТО-Русија, кој беше формиран во 2002 година како платформа за развој на соработка и координација.
Во изминатите седум години, Северноатлантската алијанса постојано ја осудуваше руската анексија на полуостровот Крим во март 2014 година и бараше почитување на територијалниот суверенитет на Украина.
Русија и Западот меѓусебно се обвинуваат за провокации со зајакнување на воените капацитети на заедничките граници.