Која е сопругата на Ериксен, чија реакција го трогна светот кога тој падна на теренот

Од:

Целиот свет со внимание ја следеше здравствената состојба на данскиот фудбалер Кристијан Ериксен, кој на натпреварот меѓу Финска и Данска на Европското првенство наеднаш колабираше на теренот. Последните информации за неговата здравствена состојба се оптимистички и се чини дека фудбалерот на Интер е на пат кон сигурно опоравување.

Но, стравотната сцена се врежа во памтењето на љубителите на фудбалот а и на сите што гледаа, бидејќи случката беше прилично драматична – многу од нив се прашуваа дали Ериксен ќе преживее и мислеа дека станува збор за фатален инфаркт или за мозочен удар.

Една од најпотресните сцени беше моментот кога неговата невенчана сопруга, 27-годишната Сабрина Квист, која го следеше натпреварот од трибините, помисли дека нејзиниот избраник е мртов. Камерите го забележаа моментот кога видно вознемирената и уплакана Сабрина се спушти на теренот, како и моментот кога соиграчите на Ериксон ја смируваа и ја убедуваа дека е жив.

„Тоа се случи недалеку од местото каде што беа сместени сите сопруги на играчите, и секако, сопругата на Кристијан виде се и излезе на теренот. Можевте да ги видите реакциите на мојот син Каспер кој дотрча до неа и разговараше, убедувајќи ја дека тој дише, бидејќи таа мислеше дека е починат“, изјавил за медиумите бившиот дански голман Питер Шмајхел.

Сега кога се знае дека познатиот дански фудбалер е во добро и дека станувало збор за срцев удар, а публиката се заинтересира која е неговата избраничка. Имено, парот е заедно од 2012 година, а имаат две деца – нивниот син Алфред е роден во 2018 година, а во декември лани добиле и ќеркичка.

Оваа плавокоса убавица, која инаку работела како фризерка, е родена во малиот дански град Томеруп кој има само 1.500 жители, но веќе со години го следи Ериксон на бројните патувања додека тој потпишува договори со различни клубови ширум светот.

Во текот на живеењето во Велика Британија, во периодот кога Кристијан играл за Тотенхем, таа работела во модна компанија, а од нејзиниот профил на Инстаграм се гледа дека таа работела и за волонтерската организација која помага на загрозени деца.

Би можело да ве интересира

На традиционален фестивал на Фарските Острови убиени околу 1.500 китови и делфини

А1он

Данска воведува задолжителна работа за мигрантите кои со години примаат социјална помош

А1он

Саутгејт: Англија треба да го освои Светското првенство за да го заборави неуспехот во финалето на Еуро 2020

А1он

Данска од 10 септември ги укинува сите ограничувања против Ковид-19

Ана Ололовска

Данска им нуди трета доза на имунизираните со две различни вакцини, за полесно да патуваат

Жарко Настоски

Почина данскиот карикатурист Курт Вестергард

Ана Ололовска