Вооружените сили на Швајцарија сакаат да потрошат дури 50 милијарди франци (57 милијарди долари) во наредните години за да се справат со влошената безбедносна ситуација во Европа по рускиот напад врз Украина, изјави денеска началникот на Генералштабот Томас Сисли.
„Швајцарија ја рефокусира својата војска на националната одбрана“, изјави Сисли за новинарите во Клотен во близина на Цирих, пренесе Блумберг.
-Армијата планира нови инвестиции од 13 милијарди франци во комуникациите, копнените сили и сајбер одбраната. Заедно со редовното одржување и другите трошоци, тоа е вкупно 50 милијарди франци до почетокот на 2030-тите, рече Шишли.
Повикувајќи се на конкретен пример, тој посочи дека количината на муниција што Швајцарија во моментов ја купува годишно ја покрива обуката на кадетите, но не би била доволна за одбрана на земјата во случај на напад.
-Во иднина буџетите треба да го одразуваат тоа сценарио, рече тој.
Шишли изјави дека оваа бројка е само барање и дека конечната одлука за тоа колку пари ќе се потрошат ќе ја донесат пратениците.