Сириското МНР ги повика вчера преку коминике силите на политичката опозиција во странство кои би сакале да учествуваат во национален дијалог, да се вратат во државата.
Претседателот Башар Асад нуди олеснувања при враќањето, јавија западни медиуми.
– Сите опозициски политички сили кои се вон државата и сакаат да се вклучат во националниот дијалог, имаат можност да се вратат во Сирија, се вели во коминике на Министерството.
Чекорот, според МНР на Сирија е „резултат на политичката програма за решавање на кризата во Сирија. Им се гарантира на сите опозициски сили слободно враќање и отпатување од државата за да учествуваат во националниот дијалог“.
На 6 јануари Асад предложи план за излез од кризата со кој се предвидува прекин на воените операции и национален дијалог под покровителство на актуелната влада.