Сирија вчера го обвини меѓународниот посредник, Лахдар Брахими за мешање во нејзините внатрешни работи, поради тоа што го критикуваше нејзиниот одговор на понудата на опозицијата и рече дека Башар ел Асад, не треба повеќе да е претседател на Сирија.
Министерството за надворешни работи, му порача на Брахими, дека доколку сака и понатаму да биде посредник, мора да покаже непристрасност и дека треба да му биде јасно дека единствено граѓаните на Сирија донесуваат одлуки за своите претставници пренесе „Ројтерс“.
Брахими во петок на затворената седница на Советот за безбедност на ОН рече дека Дамаск бил изненаден и засрамен кога опозицискиот лидер Моаз Алкатиб во јануари му понудил разговор. Неговиот одговор бил бавен и конфузен.
Сиријското министерство исто така соопшти дека алжирскиот дипломат кој е заеднички пратеник за ОН и Арапаската лига за Сирија, ќе го третираат исклучиво како пратеник на ОН бидејќи арапскиот блок го смета за учесник во измама против Асад.
Елена Георгиевска