Сирија доби два милиони вакцини против колера

Од:

Сирија доби два милиони дози вакцини против колера, што е прва испорака откако беше погодена од епидемија на оваа заразна болест во септември, соопшти Министерството за здравство во Дамаск, додавајќи дека тие се обезбедени од УНИЦЕФ и меѓународната организација Гави.

Колерата ја опустоши земјата која долго време е зафатена од војна, и поради уништеното здравство и систем за дистрибуција на вода за пиење, тешко се бори со епидемијата, пренесува Бета.

Според податоците на Министерството за здравство, од септември во Сирија од колера се заразиле 1.556 луѓе, а починале 49 лица.

И сириското Министерство за здравство и Обединетите нации сметаат дека епидемијата потекнува од фактот што луѓето пиеле нечиста вода од реката Еуфрат и ја користеле загадената вода за наводнување на посевите, што резултирало со контаминација на храната.

Властите во Дамаск информираа дека вакцинацијата ќе почне овој месец, ќе трае две недели и ќе се спроведува во областите кои се најпогодени од колера, а тоа се околините на градовите Алепо, Деир Езор, Хасака и Рака.

Би можело да ве интересира

Конфликти на границата со Сирија: Има мртви и ранети

ВИДЕО: Израелците ракетираа град во Сирија

Катерина Ѓуровски

Нападната е американска воена база во источна Сирија

Горан Наумовски

(ВИДЕО) САД извршија одмазднички напади во Ирак и Сирија

ВИДЕО: Израел го нападна Дамаск, убиен ирански офицер

(ВИДЕО) Иран ги нападна Ирак и Сирија: Го уништивме шпионскиот штаб на ционистичкиот Мосад