Министерот за надворешни работи на Катар, шеикот Мохамед бин Абдулрахман Ал-Тани, изјави дека признавањето на талибанците како влада на Авганистан не е приоритет, но дека соработката со исламистичкото движење може да биде позитивна.
Тој рече дека талибанците покажале дека се отворени за предлози со цел во новата влада да има претставниците на сите политички опции во земјата во новата влада.
На прес-конференција во Доха, Ал-Тани исто така рече дека безбедносните и оперативните разговори поврзани со аеродромот во Кабул се уште се во тек.
Талибанските борци вчера позираа во напуштените американски авиони, откако влегоа на аеродромот во Кабул, само неколку часа откако последниот американски војник го напушти Авганистан.