Бројот на жртвите на птичјиот грип, предизвикан од вирусот Х7Н9, се зголеми на седум лица, а бројот на заболените Кинези изнесува најмалку 24 лица.
Новиот смртен случај е забележан во Шангај. Станува збор за 64-годишен маж, кој починал синоќа.
Здравствените власти во Шангај објавија дека мажот помош од лекар побарал во средата поради симптомите налик на воспаление на белите дробови. Вчера изутрината проблемите со дишењето значително се зголемиле, по што бил примен во една шангајска болница, каде почина неколку часа подоцна.
Во меѓувреме се пријавени уште два нови случаи на зараза. И двата се регистрирани во источниот дел на Кина.