Авион кој превезувал воена делегација на Гвинеја, се урна близу до Монровиј. Сите десет патници загинале, меѓу кои и началникот на генералштабот на гвинејската војска Сулејман Келефа Дијало.
Во авионот се наоѓале официјални лица на гвинејската војска и министерството за одбрана кои патувале на прославата на вооружена сила во соседна Либерија, а несреќата се случила во градот Шарлвил, осум километри од меѓународниот аеродром, јави „Франс прес“.
Либеријскиот министер за одбрана, Бауни Самукаи изјави дека во тек е истрага за оваа несреќа, а причината се уште е непозната