По избувнувањето на епидемијата на новиот коронавирус во Кина, која предизвика економско забавување, сателитските слики покажаа драматично опаѓање на нивото на загадување во земјата.
Сега, истиот ефект може да се забележи и во северна Италија, каде некои градови се наоѓаат под своевиден карантин од крајот на февруари. Научникот Сантијаго Гасо, од американската вселенска агенција НАСА и Универзитетот во Мериленд, ги искористи податоците на Европската вселенска агенција за да го набљудува во северна Италија намалувањето на азотниот диоксид, индикатор за загадувањето.
Фотографиите ги сподели на Твитер.
– Јасно е дека NО2 e намалено на последните две фотографии, што се два дена во различни седмици, така што мојот заклучок е дека азотниот диоксид (кој обично се произведува од автомобили и автобуси) е намален, изјави Гасо за Би Би Си.
Европската вселенска агенција (ЕСА) соопшти дека сè уште не донела свои заклучоци.
– Сè уште не видовме значителна разлика, но работиме на тоа, изјави портпаролот на ЕСА.