САД веќе имаат подготвено нови санкции против Русија, но ќе донесат одлука за нивно воведување зависно од натамошниот развој на ситуацијата во Украина, изјави портпаролот на Белата куќа, Џеј Карни.
– Можам да кажам дека се подготвени дополнителни санкции и ќе бидат воведени во случај да има потреба за тоа, изјави Карни, одговарајќи на прашањето какви други мерки за вршење притисок врз Москва планира да употреби Вашингтон.
Портапролот на Стејт департментот, Џен Псаки вчера истакна дека одлука за нови американски санкции против Русија нема да биде донесена пред закажаната за утре четиристрана средба во Женева, која ќе има за цел да се најде решение за украинската криза.