САД и Германија ги предупредија Израелците да не ја напаѓаат Рафа

Од:

Шефот на американската дипломатија Антони Блинкен вчера на средба со израелскиот министер за одбрана изјави дека САД се противат на офанзивата во Рафа.

Блинкен нагласи дека „постојат решенија, освен копнена инвазија од големи размери, кои подобро ќе ја осигураат безбедноста на Израел и ќе ги заштитат палестинските цивили“, рече портпаролот на Стејт департментот Метју Милер.

Средбата меѓу Блинкен и израелскиот министер за одбрана Јоав Галант се одржа вчера во Вашингтон, истиот ден кога израелскиот премиер Бенјамин Нетанјаху ја откажа посетата на високо ниво на израелска делегација на САД. Ова беше реакција на воздржувањето на САД од резолуцијата на Советот за безбедност на ОН која повикува на итен прекин на огнот во Газа.

„Сигурен сум дека ќе најдеме други начини да ја изразиме нашата загриженост за офанзивата која би претставувала огромен ризик за цивилите“, изјави вчера портпаролот на Стејт департментот.

Според него, израелската влада не претставила кохерентен план за евакуација на 1,4 милиони луѓе во Рафа. Повеќето од нив побараа засолниште таму откако избегаа од бомбардирањето во северниот дел на Газа.

И германската министерка за надворешни работи Аналена Баербок, во друга посета на Блискиот Исток, го повтори повикот до Израел да се откаже од офанзивата.

„Не смее да има офанзива од големи размери на Рафа“, рече Баербок вчера во Каиро по состанокот со нејзиниот египетски колега Самех Шукри.

Хамас во текот на ноќта изјави дека „Нетанјаху и неговата екстремистичка влада сносат целосна одговорност за неуспехот на преговарачките напори“.

Палестинската исламистичка група бара „вистинска размена на затвореници“, односно ослободување на палестинските затвореници од израелските затвори во замена за израелските заложници во Газа.

Би можело да ве интересира

ВИДЕО: Хамас бара крај на војната, Израел повторно се заканува со „отворање на пеколот“

Ганц повикува на координиран напад врз иранските нуклеарни постројки

Израелските доселеници упаднаа во комплексот на џамијата Ал Акса

Илјадници Палестинци се собраа во Газа: „Згрешивме што молчевме“

Трамп го отфрли планот за напад на иранските нуклеарни постројки

Горан Наумовски

350 израелски писатели повикуваат на прекин на војната во Газа: „Делата не се направени во наше име“