Околу илјада израелски доселеници денеска упаднаа во комплексот на џамијата Ал Акса и на гробиштата Баб ал Рахма во источен Ерусалим, каде што вршеа талмудски ритуали, на петтиот ден од еврејскиот празник Пасха.
Доселениците упаднаа и на плоштадот Западен ѕид западно од џамијата Ал Акса и ја извршија таканаречената молитва „Благослов на свештеникот“ под заштита на израелските сили, пренесе ВАФА.
Израелската полиција воведе строги безбедносни мерки, претворајќи го верскиот комплекс во воен контролен пункт, а полицајците ги проверуваат личните карти на граѓаните и спречуваат многу од нив да влезат во џамијата, јавува палестинската новинска агенција.
Џамијата Ал Акса во центарот на Стариот град на Ерусалим е едно од најсветите места за муслиманите.
