САД го прифатија барањето на Франција за обезбедување помош за воздушен транспорт на војници и опрема за операцијата во Мали, изјави висок американски претставник, јави БТА.
Американскиот министер за одбрана Леон Панета во средата изјави дека воените операции во Мали се меѓународен напор, а не само интервенција на Франција.
Франција почна воена интервенција против исламистички бунтовници во Мали во петокот, откако претседателот на африканската држава побара помош во борбата против терористичките групи, кои контролираат две третини од територијата на земјата.