Русија не праќа на Сирија нови воени хеликоптери туку на основа на веќе потпишан договор само ги поправа оние испорачани пред дваесетина години.
По повод изјавата на американскиот државен секретар Хилари Клинтон, дека Русија испорачува воени хеликоптери на Сирија, руските аналитичари сметаат дека тоа е сосема неточно и дека тоа не претставува ништо друго, освен „празни зборови“ во предизборната „хистерија“ во Вашингтон.
Официјална Москва се уште нема реакција на изјавата на Хилари Клинтон, но шефот на руската дипломатија Сергеј Лавров, пред само три дена им изјави на новинарите во Москва, дека оружјето кое се испорачува на Сирија не може да биде употребено во граѓанскиот конфликт.
Претходно државниот секретар Хилари Клинтон изјави дека САД се загрижени поради информациите дека Русија испраќа воени хеликоптери на Сирија.