Продолжувањето на проектот „Северен тек 2“ би било спротивно на стратешките интереси на Европа, која е заинтересирана континентот целосно да стане независен од руската енергија, изјави вчера полскиот премиер Доналд Туск.
„Европа сега размислува за зајакнување на санкциите против Руската Федерација, а не за обновување на економските односи со Русија, бидејќи санкциите се навистина на сила. Ако Европа постапи на ист начин како досега, Украина ќе може ефективно да се одбрани себеси во рок од една година“, рече Туск.
Прашан за можното продолжување на проектот Северен тек 2, Туск нагласи дека „ова нема никаква врска со европската стратегија за целосно независна Европа од енергетските испораки од Русија“, пренесува агенцијата ПАП.