Светската здравствена организација (СЗО) денеска за нов директор на регионалната канцеларија за Африка, ја избра доктор Матшидисо Ребека Моети, додека регионот се соочува со епидемија на ебола.
За директор на регионалната канцеларија за Африка (АФРО) на денешниот состанок во Бенин е избран досегашниот заменик директор на канцеларијата Моети.
Моети е дел од СЗО од 1999 година, како регионален советник за здравје и млади. Претходно таа има работена во Министерството за задравје на Боцвана.
Организацијата Лекари без граници претходно упати критики до СЗО поради слабиот одговор во раните фази на епидемијата, што е координиран преку АФРО, наведувајќи дека организацијата не успеала да ја процени сериозноста на болеста.
Новата директорка е избрана на состанок на регионалниот комитет на СЗО за Африка, што е составен од министри за здравство од 47 земји од регионот.
Според податоците на СЗО околу 5.000 лица починаа од ебола годинава, во најголем дел во Либерија, Гвинеја и Сиера Леоне.