Високи американски функционери одржаа прес-конференција во Пентагон по нападот на Соединетите Американски Држави врз Иран, за време на која министерот и генералот не ги оценија последиците од нивниот напад врз нуклеарните објекти на ист начин.
Министерот за одбрана Пит Хегсет рече дека американскиот напад бил „моќен и прецизен“ и ги повтори тврдењата на претседателот Доналд Трамп дека тие „ја уништиле нуклеарната програма“ на Иран, како и дека нуклеарните амбиции на Иран се уништени.
„Ја уништивме нуклеарната програма на Иран, но вреди да се напомене дека операцијата не беше насочена кон иранските трупи или иранскиот народ“, рече Хегсет.
LIVE: @SECDEF Pete Hegseth and CJCS Gen. Dan Caine hold an on-camera press briefing at the Pentagon, June 22, 2025. https://t.co/QO17H1mmws
— Department of Defense 🇺🇸 (@DeptofDefense) June 22, 2025
Сепак, претседателот на Здружениот штаб на американските вооружени сили, генерал Џон Кејн, употреби многу помеки зборови, наведувајќи дека нуклеарниот капацитет на Иран е „значително намален“.
И двајцата го пофалија претседателот Доналд Трамп за одлуката да ја преземе оваа акција, како и воените сили кои, како што велат, успешно извршија напад што ниедна друга земја не можеше да го изврши.
„Операцијата што ја планираше претседателот Трамп беше храбра и брилијантна. Кога овој претседател зборува, светот треба да слуша, а ние можеме да го поддржиме со американската војска“, беа зборовите на Хегсет, кој го пофали Трамп во текот на целиот говор.