Министрите за надворешни работи на Русија, на Германија, на Франција и на Украина денеска телефонски разговараа за начините за придонес во мировниот процес во југоисточна Украина, вклучително и спроведувањето на договорот од Минск, соопшти руското Министерство за надворешни работи.
Сергеј Лавров, Франк Валтер Штајнмајер, Лоран Фабијус и Павел Климкин разговараа за временската рамка за понатамошни консултации во „формат Нормандија“ на различни ниво.
– Тие ја истакнаа потребата за свикување на следед состанок на Контакт групата, се посочува во соопштението на руското МНР.
„Формат Нормандија“ е формиран во јуни кога рускиот претседател Владимир Путин, германската канцеларка Ангела Меркел, францускиот претседател Франсоа Оланд и украинскиот претседател Петро Порошенко разговараа за украинската криза на маргините на прославата ма 70-годишнината од истоварувањето во Нормандија.