Одлуката на рускиот претседател Владимир Путин за формално припојување на четири окупирани украински региони кон Русија е најголемата присилна анексија во Европа од почетокот на Втората светска војна, напиша на Твитер Шашанк Џоши, новинар и уредник на The Economist.
Вкупната површина на украинската територија што утре Путин ќе ја прогласи како дел од Руската Федерација е повеќе од 90.000 квадратни километри или околу 15% од вкупната територија на Украина. Тоа е област еквивалентна на областа на Унгарија или Португалија.
„Ова е точка од која нема враќање. Најголемата присилна анексија на европска територија од Втората светска војна. Путин сега се обврзува трајно да ја брани таа територија и да окупира делови од оние територии што моментално не ги окупира“, напиша Џоши на Твитер.
A point of no return. Largest forcible annexation of European territory since WW2. Commits him to defend it in perpetuity & capture the parts of it he doesn’t occupy (lots). Prevents him giving it back to Ukraine as part of a settlement. And increases risk of escalation. https://t.co/ks8EGOMyCx
— Shashank Joshi (@shashj) September 29, 2022
Ова исто така го зголемува ризикот од ескалација“, напиша уредникот на Економист.