Путин: Русија нема никаква врска со мигрантската криза на границата меѓу Полска и Белорусија

Од:

Рускиот претседател Владимир Путин денеска негираше каква било одговорност за актуелната мигрантска криза на границата меѓу Белорусија и Полска, каде со денови се наоѓаат неколку илјади мигранти.

– Сакам сите да го знаат тоа. Ние немаме ништо со тоа, рече Путин во интервју за каналот Вести, откако неколку западни функционери го обвинија дека организирал испраќање мигранти на границата со Белорусија.

Западните земји го обвинуваат белорускиот претседател Александар Лукашенко дека го организирал постојаното пристигнување на мигранти на границата со Полска, членка на Европската унија (ЕУ), како одговор на санкциите на ЕУ воведени против Белорусија поради репресија на опозициските демонстранти.

Во истото интервју, Путин ги оцени воените вежби на САД и НАТО на Црното Море како „сериозен предизвик“ за Русија.

– САД и нивните сојузници во НАТО спроведуваат непланирани вежби во Црното Море. Не само што имаат прилично силна поморска група, туку и стратешка авијација. Тоа е сериозен предизвик за нас, рече Путин.

Би можело да ве интересира

САД воведоа санкции за четворица Украинци поврзани со руската ФСБ

А1он

Бајден вели дека евентуален влез на руска војска во Украина ќе се смета за „инвазија“

А1он

Во Москва рекордни 11.557 новозаразени со коронавирусот

А1он

Песков: Бајден дополнително ја дестабилизира ситуацијата во Украина

Кина, Русија и Иран утре почнуваат заеднички поморски вежби во Индискиот Океан

Руски парламентарци бараат од Путин да ги признае сепаратистичките области во Украина како неависни држави

Катерина Павлова-Николовска