Полски министер за одбрана: Полјаците се огорчени кога гледаат млади Украинци во кафулињата

Од:

Полскиот министер за одбрана Владислав Косињак-Камиш изјави во интервју за Полсат њуз дека Полска е подготвена да и помогне на Украина да ги врати воено способните мажи за да ја „исполнат својата граѓанска обврска“.

„Мислам дека многу Полјаци се огорчени кога гледаат млади Украинци во хотели и кафулиња и слушаат колку труд треба да вложиме за да и помогнеме на Украина“, рече Косињак-Камиш.

Тој потврди дека Варшава веќе и понудила помош на Украина во минатото за да можат регрутите да се вратат во својата земја.

„Секаква поддршка е можна“, одговори Косињак-Камиш на прашањето како ќе биде Полска доколку Киев побара помош за враќање на мажите кои го губат правото да останат во Полска.

Ројтерс, повикувајќи се на Евростат, пишува дека во земјите на Европската Унија живеат околу 4,3 милиони Украинци.

Полска им додели статус на привремена заштита на 950.000 Украинци, втор најголем број по Германија. Инаку, украинскиот министер за надворешни работи Дмитро Кулеба објави дека се суспендирани конзуларните услуги за украинските мажи кои се регрути.

Украинската влада им забрани на конзулатите да издаваат украински пасоши, за домашни или за меѓународни патувања, на украински мажи на возраст меѓу 18 и 60 години. Отсега овие документи ќе бидат достапни само во Државната служба за миграција.

Би можело да ве интересира

Избегната голема несреќа во Полска, полициско возило удри во спасувачки хеликоптер на автопат

Полска објави дека поддржува решение со две држави за Израел и Палестинците

19 ранети граѓани на Украинa пристигнаа на лекување во Хрватска со авион

Полска издвојува 375 милиони долари за зајакнување на оградата на границата со Белорусија

ВИДЕО: Изгоре огромен трговски центар со 1400 продавници во Вашрава

Евростат: 4,2 милиони Украинци користат привремена заштита во ЕУ