На денот на националното единство, рускиот претседател Владимир Путин ја искористи можноста уште еднаш да ја оправда војната против Украина и да ги повтори обвинувањата против Западот.
„Таканаречените пријатели на Украина ја турнаа ситуацијата до точка што таа стана опасна за Русија и самоубиствена за украинскиот народ. Ќе ја заштитиме нашата татковина како што тоа го правеа нашите предци. Никогаш нема да го дозволиме тоа. Ќе ја заштитиме нашата татковина како што тоа го правеа нашите предци“, рече рускиот лидер во говорот пред историчарите и верските претставници.
Тој уште еднаш го означи украинското раководство како неонацистичко и рече дека судирот на режимите меѓу двете земји е неизбежен.
Путин и наредил на својата војска да ја нападне соседната земја на 24 февруари годинава. Во Русија, 4 ноември се слави како Ден на национално единство во чест на протерувањето на полските трупи од Москва во 1612 година.