Прва вселенска мисија на „СпејсИкс“

Од:

Компанијата „СпејсИкс“ на милијардерот Илон Маск ќе се обиде утре да испрати четворица астронаути на Меѓународната вселенска станица (МВС), во рамки на првата мисија на НАСА во која ќе се користи приватно произведено летало за превоз на луѓе.

Лансирањето на капсулата, наречена „Отпорност“, беше закажано за денеска од центарот на НАСА на Флорида, но е одложено поради силниот ветер.

Летот ќе трае осум часови и ќе биде првата оперативна мисија на „СпејсИкс“ на Илон Маск. Во неа ќе учествуваат тројца астронаути од САД и еден од Јапонија.

Пробниот лет со двајца членови на екипаж во август беше прв лет во вселената на астронаути на НАСА од американско тло по девет години.

Претставници на НАСА претходно оваа недела го одобрија конечниот дизајн на капсулата, со што е завршена развојната фаза на „СпејсИкс“ во рамки на јавно-приватната програма на агенцијата, која трае речиси 10 години.

НАСА во 2014 година потпиша договори со „СпејсИкс“ и „Боинг“ за развој на конкурентски вселенски капсули со цел да ја замени својата програма, која заврши во 2011 година.

Би можело да ве интересира

Русија слави 60-годишнина од летот на Јуриј Гагарин

Ана Ололовска

Секоја година, 5.200 тони вселенски прав паѓаат на Земјата

Ана Ололовска

Ракета „Сојуз“ полета во чест на Гагарин кон МВС

Ана Ололовска

Русија потврди соработка во вселената со САД до 2030 година

Ана Ололовска

ВИДЕО: Лансирани 36 британски сателити со руската ракета „Сојуз“

Ана Ололовска

Метеороид прелета над САД со благ, но морничав татнеж

Ана Ололовска