Протестите во Бразил, Египет и Турција се повик за будење, предупреди претседателот на Светската банка Џим Јон Ким.
– Тие социјални движења нема да исчезнат. И, според мене тое само ќе се интензивираат, вели Ким во изјава за британски медиуми.
Како причини за протестите, претседателот на СБ ги посочи незадоволството од политичката класа, недостигот од можности и очекувањата за повисок стандард за живот.
– Секоја држава во светот треба да размисли дали е ефективна или не во доставувањето услуги, дали луѓето навистина имаат можности или не, вели Ким.
– Твитер, Фејсбук и останатите социјални мрежи станаа неверојатно моќни инструменти за граѓанското општество, додава тој.
Според Ким, кризата ја прави правилната економска политика уште поважна и нагласува дека е исклучително важно да се инвестира во здравството, образованието и социјалната заштита.