Бразилскиот меѓународен аеродром Салгадо Фиљо во Порто Алегре (ПОА) ќе биде затворен за секаков сообраќај до крајот на месецот поради поплавите што го погодија југот на земјата.
Flooded Brazilian airport closed ‘indefinitely’
Authorities say there is no timeframe for reopening Brazil’s Salgado Filho Airport in the Rio Grande do Sul city of Porto Alegre – one of the country’s top 10 busiest airports – after it was left completely flooded by torrential… pic.twitter.com/Cy3zrtMYIk
— Ignorance, the root and stem of all evil (@ivan_8848) May 8, 2024
Оваа одлука ја донесе бразилската агенција за контрола на воздушниот простор (Departamento de Controle do Espaço Aéreo – DECEA). Телото соопшти дека аеродромот во бразилската држава Рио Гранде е „затворен до 31 мај оваа година поради поплавите предизвикани од обилните дождови“ кои го погодија јужниот дел на Бразил од 29 април.
Во известувањето до воздухопловците (Известување до воздухопловецот – НОТАМ) број E2738/24 DECEA објави дека Салгадо Фиљо ќе биде затворен, со можност, „доколку ситуацијата на аеродромот се промени, ќе се издаде нов НОТАМ и аеродромот повторно ќе се отвори за операции“, се вели на официјалната веб-страница на аеродромот.
Видеата и фотографиите на социјалните мрежи го покажуваат обемот на катастрофалните поплави што го погодија аеродромот изграден во 1951 година. Покрај пистата, поплавена е и внатрешноста на патничкиот терминал, како и авионите сместени во хангарите од спротивната страна на аеродромот.