Договорот од Минск за прмирје во источна Украина нема да успее се додека Киев не ја признае независноста на сампрогласените „народни републики“ во Доњецк и Луганск, изјави прорускиот сепаратистички лидер Александар Закарченко.
Во изјава за Би-Би-Си, Закарченко оценува дека украинската Влада „не го спроведува правилно“ Договорот од Минск, затоа што, според него, Киев „не сака да ги реши сите прашања“.
– Ако се нафатите да решите нешто, тогаш мора да дејствувате и да тргнете напред во решавање на се што тоа опфаќа, изјави Захарченко, кој е лидер на сепаратистите од Доњецк.
Тој ги обвини властите во Киев дека се подготвуваат за војна и дека наскоро би можеле да испровоцираат судри со напад на Доњецк или на „некој друг град во Доњецката Народна Република“.
Со Договорот во Минск е предвидено сепаратистичките региони на Доњецк и Луганск да останат во границите на Украина, но Захарченко смета дека Киев мора „законски да ги прознае како независни територии“.
Тој вели дека Украина престанала да исплаќа здравствена заштита, пензии и други давачки за жителите на подрачјата под контола на сепаратисите, со што според него Киев „де факто ги признал“ како посебни територии.
И покрај Договорот за прекин на огнот од Минск, во пракса примирјето секојдневно се крши на терен со артилериски напади и престрелки меѓу спротивставените страни. Двете страни тврдат дека го почитуваат примрјето, а дека противникот го прекршува Договорот.
Според податоците на ОН, од почетокот на судирите во истична Украина, лани во април, животите ги загубиле најмалку 6.116 лица.