Бебе е пронајдено во канта за ѓубре во италијанскиот град Виланова Канавезе, недалеку од Торино, јави агенцијата Анса.
Бебето било пронајдено во најлонска кеса, заедно со плацентата и папочната врвца. И покрај ниските температури, здравјето на бебето кое лекарите го крстиле Лоренцо засега е добро.
Бебето го пронашол 49-годишен маж кој живее во близина и сакал да фрли нешто во ѓубре. Го спречил детски плач.
“Најпрво мислев дека е мачка. Дури по некое време сфатив дека е бебе”, рекол тој.
По откритието повикал полиција, а детето било пренесено во болница. Полицијата отвори истрага како новороденчето завршило во ѓубре.