Претседателот на алжирскиот Уставен совет, Таиб Белаиз денеска поднесе оставка под притисок на демонстрантите, кои го сметаат за дел од владејачката елита, која сакаат да ја соборат од власт.
Претседателот на Алжир, Абделазиз Бутефлика на 2 април по 20-годишно владеење поднесе оставка по неколку неделните масовни протести. Но, неговото заминување од власт не ги смири Алжирците кои сакаат промена на стариот режим.
Демонстрантите бараат радикални сеопфатни политички реформи во Алжир, кој е член на ОПЕК и главен снабдувач на Европа со природен гас.