Брзи и ефикасни мерки против невработеност на младите, како и европеизација на проблемот со бегалците, се главните тежишта на претседавањето на Италија со ЕУ, истакна синоќа во Виена италијанскиот амбасадор во Австрија Џорџо Мараподи.
Тој во текот на дискусијата во претставништвото на ЕК, нагласи дека хармонизацијата на политиката кон азилантите и бегалците поради драматичниот развој на трагедиите во Средоземното Море, е мошне значајно прашање.
Мараподи потсети дека Медитеранот е заедничка граница, а не е само во надлежност на италијанската морнарица.
Во врска со тоа тој побара брзо проширување на надлежноста на европската агенција за заштита на границата Фронтекс.
Мараподи рече дека идејата за обединување на ЕУ треба да биде поттикната со натамошен економски раст, како и доближена до граѓаните.