Во мјанмарскиот град Мандалај, втор по големина во оваа држава, полицијата денеска употреби огнено оружје за да ги запре судирите меѓу неколку илјади муслимани и будисти. Религискиот бран на протести избувна вчера по веста дека една жена од будистичката заедница била силувана од страна на група муслимани, кога сакала да пазари во една продавница.
Мјанмарската полиција потврди дека при запирањето на двете разбеснети толпи биле ранети пет учесници во нередите, а ранет е и еден полицаец.
Напнатоста меѓу будистите и муслиманите во Мјанмар ескалираше во 2012 година. Во крвавите судиримеѓу двете религиски заедници, поттикнати од племенските водачи, во јуни 2012 година загинаа најмалку 200 лица, а после судирите Мандалај го напуштиле најмалку 140.000 жители, најголем дел од нив муслимани.