Велика Британија и Европската унија денеска ќе ја започнат третата рунда преговори за Брегзит со состанокот на главниот преговарач на Унијата Мишел Барни и неговиот британски колега Дејвид Дејвис.
По денешната средба, ќе следат тридневни преговори и заедничка прес-конференција.
– Претставниците на ЕУ, пред почетокот на преговорите, порачаа дека мора да биде остварен „заеднички напредок“ во трите клучни точки – правата на државјаните на ЕУ во Велика Британија по Брегзит, границата со Северна Ирска и „цената на разделбата“ (финансиските обврски на Лондон кон ЕУ), за потоа да може официјален Брисел да го разгледа прашањето на Лондон за преговорите за идните односи.
Британските претставници нагласија дека е најдобро да се водат паралелни преговори со цел, решавањето на трговските прашање да може да помогне во решавањето на другите проблеми.
Договорот, треба да биде направен до октомври 2018 година, а потоа останува период од шест месеци, до март 2019 година, кога би требало да се заврши ратификацијата на договорот во земјите-членки, а потоа да следи официјален излез на Велика Британија од ЕУ.