Петте постојани членки на СБ на ОН согласни за тоа што се очекува од талибанците

Од:

Петте постојани членки на Советот за безбедност на ОН „во голема мера се согласни“ за тоа што се очекува од талибанците, јавија утринава француските медиуми, повикувајќи се на изјава на американска претставничка.

-Имаше доста согласувања за тоа што сакаме да видиме од талибанците, особено за почитувањето на правата на жените и девојчињата, борбата против тероризмот и наркотиците, изјави дипломатката по состанокот на министрите на постојаните членки на Советот за безбедност на ОН во Њујорк.

Таа додаде дека мисли дека никој, вклучувајќи ја и Кина, не е задоволен од составот на привремената авганистанска Влада на талибанците, по нивното доаѓање на власт во средината на август.

Лондон, кој го свика состанокот, соопшти дека е за „единствен став во дијалогот со талибанците“.

-Големите сили го сакаат Авганистан во мир и стабилност, каде што хуманитарната помош може да се дистрибуира без проблеми и без дискриминација, рече по состанокот генералниот секретар на ОН, Антонио Гутереш.

Повеќето светски влади се уште не ја признаа владата назначена од талибанците и бараат новите владетели на Авганистан прво да исполнат повеќе услови, вклучувајќи почитување на правата на жените и ветување дека на Авганистанците кои тоа го сакаат да можат да ја напуштат земјата.

Би можело да ве интересира

Талибанците ја повикаа меѓународната заедница за соработка

Ана Ололовска

Претставници на талибанците и на ЕУ на состанок утре во Доха

А1он

САД: Разговорите со талибанците беа „отворени и професионални“

Ана Ололовска

ОН го прогласија пристапот до здрава животна средина како основно човеково право

Ана Ололовска

Талибанците отфрлаат соработка со САД во сузбивање екстремисти од ИД

Ана Ололовска

Во Доха состанок на американски претставници со талибанците

Ана Ололовска