Филип Лазарини, кој ја предводи агенцијата на ОН за палестински бегалци (УНРВА), напиша за Гардијан дека Газа станува гробница на луѓето заробени меѓу војната, опсадата и сиромаштијата.
„Речиси 600.000 луѓе се засолниле во 150 училишта и други згради на УНРВА. Живеат во нехигиенски услови со ограничени количини чиста вода, малку храна и лекови. Мајките не можат да ги мијат децата. Бремените жени се молат раѓањето да не заврши со компликации бидејќи тие во болници не можат да ги примат“, пишува Лазарини.
„Цели семејства живеат во нашите згради, немаат каде да одат. Но, нашите објекти не се безбедни. 40 згради на УНРВА, вклучувајќи училишта и магацини, беа оштетени во нападите. Многу цивили кои се засолниле таму беа убиени“, додава тој.