Кремљ чека конкретни дела од САД за Русија, со цел да биде јасно какви односи ги очекуваат двете земји во иднина, изјави Дмитриј Песков, портпаролот на рускиот претседател Владимир Путин.
– Слушнавме различни изјави од претседателот на САД Доналд Трамп, истакна Песков, додавајќи дека Москва очекува тие изјави да бидат докажани со дела со цел да биде јасна перспективата за идните односи.
Трамп при обраќањето пред Конгресот, изјави дека САД имаат волја да најдат нови пријатели со кои ги делат интересите, што веројатно индиректно се однесуваше на подобрувањето на односите со Русија.