Пентагон не гледа знаци за значително повлекување на руските војници од границата со Украина, изјави претставник на американското Министерство за одбрана.
– Не гледаме знаци Русите да ги повлекле своите војници од границата и да ги насочиле кон местата на постојана дислокација, изјави контраадмиралот Џон Кирби. Тој не ја исклучи веројатноста за малубројно повлекување.
Во меѓувреме, заменик-генералниот секретар на ОН за политички прашања Џефри Фелтман изјави на седница на СБ на ОН дека расте бројот на вооружените групи во Југоисточна Украина.
Според него, во ОН доаѓаат се повеќе информации за насилство и нарушување на човековите права во регионот.