Папата Франциско сака да се избори против зголемениот број лажни вести кои предизвикуваат извртување на фактите и поларизација на мислењата, соопшти Ватикан.
Папата на Твитер напиша дека „лажните вести“ ги одбрал како тема за Светскиот ден на комуникации во 2018 година.
– Ја одбрав таа тема за Светскиот ден на комуникации 2018 година – Вистината ќе ве ослободи. Лажните вести и новинарство за мир, напиша тој на Твитер.
Папата потсети на големата одговорност која ја носат новинари во светот во кој доминираат социјалните мрежи. Тој и самиот беше жртва на лажни вести, кога во февруари оваа година на кардиналите и бискупите им беше испратено лажно интервју со него.