Палестинските автономни власти и сириската Влада постигнаа договор за употреба на воена сила за протерување на џихадистите од групата Исламска држава од палестинскиот бегалски камп „Јармук“, што се наоѓа во близина на Дамаск.
Како што соопшти денеска палестинскиот министер за труд Ахмад Мајдалани, со договорот се утврдени начините за протерување на џихадистите од „Јармук“.
– Военото решение е единстевниот начин за протерување на овие терористи, изјави Мајдалани за радиото Гласот на Палестина.
Тој нагалси дека сириските валсти се согласиле да им овозможат на палестинските бегалци безбедно напуштање на „Јармук“ и да им обезбедат сместување надвор од кампот.
Мајдалани е на чело на палестинската владина делегација што престојува во Дамаск на разговори со сириските власти околу кризата во „Јармук“.