Пакистанските сили убија денеска четворица и упасија седуммина мажи обвинети за убиства на шиитски муслимани, вклучувајќи и организирање на разорниот бомбашки напад во кој загинаа 89 лица.
Операцијата е спроведена во Квета, во југозападен Пакистан, каде илјадници шиити бараат воена заштита и одбиваат да ги погребат жртвите на бомбашкиот напад врз нивната етничка заедница Хазара, кој се случи во саботата.
Министерот за внатрешни работи на провинцијата Балукистан, Акбар Хусеин Дурани и полковникот Макбул Ахмед од паравоениот Граничен корпус изјавија дека убиствата и апсењата се извршени во рамки на „операцијата која е во тек“.
– Убиените лица се познати убијци по кои трагавме. Тие беа вмешано во убиство на еден шиитски судија и висок претставник на полицијата, изјави Дурани.
Тој додаде дека меѓу уапсените е и еден од „мозоците“ на бомбашкиот напад во Хазара таун, предградие на Квета, во кој во саботата се убиени најмалку 89 лица, а ранети се повеќе од 200.