Седум лица загинаа во нападот на екстремистите на електрана во Пешавар, во северозападен Пакистан.
Неколку десетици вооружени бунтовници влегле во електраната и убиле две лица, а киднапирале девет, соопшти Гранулах Кан, од полицијата.
Тој додаде дека бунтовниците при бегството убиле пет од нив, додека четворица се водат како исчезнати.
-Во нападот на електраната која е во близина на границата со Авганистан убиени се три полицајци и четири вработени лица, изјави Кан.
Електраната е оштетена, а делови од Пешавар останаа без струја. Ниту една организација не презеде одговорност за нападот.
Елена Георгиевска