Сириските владини сили систематски нападнаа десетици болници, училишта и пазари во областа што е под контрола на бунтовниците, во околина на северо-западниот град Идлиб, се вели во извештајот на ООН.
Нивниот таргет врз цивилите бил да се бомбардираат од воздух и земја, стои во извештајот објавен во име на Советот за човекови права на ООН. Владините сили користеле и кластерска муниција така што ООН смета дека ваквите напади би можеле да се квалификуваат согласно меѓународното право како тешки повреди – воени злосторства предизвикани од страна на сириските сили.
Авторите на извештајот, исто така, ја обвинуваат милитантната исламистичка милиција Хајат Тахрир ал-Шам (ХТС) за недискриминирачко гранатирање на владините области, во период кога загинаа повеќе од 200 цивили. Терористите исто така ги ограбувале областите и киднапирале, мачеле и убиле цивилите, дела што исто така би биле воени злосторства. Извештајот опфаќа период од ноември 2019 година до почетокот на јуни 2020 година.