Околу 250.000 ожалостени го посетија ковчегот на кралицата Елизабета Втора во Вестминстерската хала во Лондон, изјави британската министерка за култура Мишел Донелан.
Луѓето чекаа во ред со часови
„Околу 250.000. Сега ги проценуваме тие конечни бројки“, рече Донелан.
Целосните бројки ќе бидат објавени во догледно време. Граѓаните и оддадоа последна почит на кралицата во Вестминстерската сала откако со часови чекаа во долга редица што се протегаше низ центарот на Лондон повеќе од четири дена.
Луѓе од сите возрасти и сфери присуствуваа на погребот на најдолговечниот монарх, Кралицата Елизабета II, која почина во Шкотска на 8 септември на 96-годишна возраст по седумдесетгодишно владеење.
Последен пат Британците на овој начин почестија некого во 1965 година, кога почина воениот премиер Винстон Черчил. Околу 321 илјада луѓе го посетиле неговиот ковчег во Вестминстерската сала, се наведува во белешката од Долниот дом на британскиот парламент.