Првиот црн претседател на Република Јужна Африка (РЈА) Нелсон Мандела повторно е примен во болница со белодробна инфекција, пренесоа британските медиуми, повикувајќи се на изјава на владата.
Мандела (94) бил хоспитализиран непосредно пред полноќ. Повеќе детали не беа дадени, а само се уверува дека историскиот лидер на борбата против апартхејдот во РЈА го добива најдоброто можно лекување.
Мандела и претходно овој месец на кратко беше сместен во болница заради лекарски прегледи.
Добитникот на Нобеловата награда за мир за 1993 година три недели во декември беше хоспитализиран заради белодробна инфекција. Тогаш му беше направена и операција за отстранување на камења од жолчката.
Тоа беше најдолгиот престој на Мандела во болница, откако во 199о година беше ослободен, по 27 години минати во затвор, заради својата борба против режимот на расна сегрегација во РЈА.