Претставници на НАТО денеска мошне внимателно реагираа на напуштањето на политиката на неутралност од страна на Украина и нејзината желба да се приклучи кон Алијансата, укажувајќи дека земјата пред приемот мора да исполни серија услови и критериуми.
– Нашата врата е отворена, а Украина може да стане членка доколку тоа го побара, ги исполни стандадите и се придржува кон усвоените принципи, изјавија претстаници на НАТО пред новинарите во седиштето во Брисел, јави Танјуг.
Ова е формулација, која фунционерите и дипломатите на НАТО и претходно ја повторуваа, откако Владата во Киев најави дека ќе се откаже од прокламираната политика на неутралност.
Украина денеска со одлука на Парламентот ја поништи претходната резолуција, која обврзуваше на воена неутралност, а претседателот Петро Порошенко изјави дека ќе бара прием во НАТО.
Неофицијално бриселски дипломатски извори велат дека меѓу земјите-членки не постои единствен став за приемот на Украина во Алијансата и оти Киев нема во брзо време да добие покана за зачленување.