Американската вселенска агенција НАСА на својата официјална веб страница објави фотографија од најстуденото место на Марс.
На снимката јасно се забележува возвишението кое всушност претставува голема маса од т.н. „сув мраз“ (замрзнат јаглерод диоксид).
Поради ниските температури, гасовитиот јаглерод диоксид на тоа место замрзнува, односно преминува во цврста агрегатна состоја и паѓа на површината на „Црвената Планета”.
Испитувањата покажуваат дека притоа, температурата може да достигне и до минус 130 Целзиусови степени.
Фотографијата е направена со „Хририсе“ камерата со висока резолуција, која е дел од сателитот „Марс риконесенс орбитер” (МРО).