Напаѓач-самоубиец со мотор синоќа се разнесе во близина на премин на Хезболах во источниот дел на Либан. Во инцидентот има загинати, вклучувајќи и членови на шиитската партија, изјавил извор од службите за безбедност.
Нападот се случил во близина на контролен пункт во предградието на месноста Храјбе, во Бека – регион во Источен Либан, кој граничи со Сирија.
Либанската државна новинска агенција соопшти за тројца загинати, но не прецизира дали жртвите се случајни минувачи или борци на Хезболах.
Повредени се и борци кои се наоѓале во близина на местото на атентатот, посочил изворот од службите за безбедност.