Две тинејџерки изведоа самоубиствени бомбашки напади во село во северниот дел на Камерун, во кои загинаа девет, а повредени се 29 лица, соопшти портпаролот н камерунската Влада.
Министерот за комуникации Иса Тхирома Бакари ја обвини нигериската екстремистичка група Боко Харам за нападот кој се случи утрово на пазар во Кангелари, близу градот Мора.
– Боко Харам сега користи момчиња и девојки за самоубиствените напади, рече Бакари и додаде дека цел на таа група, која се обврзна на верност на „Исламска држава“, е ширење на теророт.