Најмалку девет лица загинаа и 30 се повредени денеска во моќна експлозија во јужниот дел на Бејрут во близина на комплекс, користен од либанската шиитска организација Хезболах.
Според oчевидци во експлозијата се урнати најмалку пет згради.
Неколку минути по експлозијата телевизијата Ал Мајдин, која е блиска до Хезболах, објави дека има блокирани луѓе во оштетените згради.
Религиозните тензии во Либан се зголемија по вклучувањето на борци на Хезболах во граѓанската војна во Сирија на страната на режимот на Башар ал Асад.